Mizo Elite News hi ṭha i tihzawng a nih chuan min lo Follow dawn nia

Gigi Hadid in a kum 26 na lawm, a chhungte leh a fanu pa Zayn ten an lawmpui

Supermodel chhelo leh hmeltha em em mai Gigi Hadid chuan April 23 khan kum 26 a tling ve ta a, a piancham hi liam tir mai lovin lawmna Party a buatsaih.

Nu a nih hnu a a piancham lawm leh hmasak berna ah hian a chhungkua leh thian tha te chuan an lawmsak a, a bialpa leh a fanu pa ni bawk zaithiam, Zayn pawh Party ah hian a tel.

Gigi piancham lawmna hi New York City a NoHo district of Manhattan ah a ni. Zayn bakah hian a unaunu Bella Hadid, a nu Yolanda Hadid leh Joseph Jingoli, makeup artist Patrick Ta, modeling agent Luiz Mattos te pawh piancham lawmna ah hian phur ber ber ah an tang.

Birthday neitu Gigi Hadid hi sawi leh chuan kher ngai lovin a nalh famkim leh em em a, fa a nei tawh tih reng a hriat hranpa miah loh bawk. A bialpa Zayn hian Paparazzi te mit hmuh in Gigi hi kai deuh chawt in a hauh viau nghe nghe a ni.

Nikum kum tawp lam khan Gigi Hadid leh Zayn Malik te hian nu leh pa dinhmun dik tak an chelh ve tawh a, fanu duhawm tak Khai tia an koh chu an nei. Gigi hian an thlalak hmuhnawm tak tak a tarlang fo a, mahsela a hmel tak erawh a la phochhuak lo thung.