Mizo Elite News hi ṭha i tihzawng a nih chuan min lo Follow dawn nia

Gigi Hadid chuan Pregnancy Photoshoot neiin a rawn in phochhuak

Tun aṭanga reilo te hnu a Nu ni mai tawh tur Gigi Hadid chuan mitam tak te hmuh chak em em thil a rawn tarlang a, Nilaini khan maternity photoshoot a neih te chu a Instagram ah a post.

Kum 25 a upa Supermodel hian hriat ṭheuh angin a bialpa zaithiam Zayn Malik nena an fa hmasa ber tur a pai mek. Thlalak pakhat ah hian floor-length white dress a inbel a, a dangah bell-sleeved minidress chu a hachhuak bawk.

A thlalak nalh tak tak te hi fashion photographer duo Luigi leh Iango te lak sak a ni a, “Growing an angel,” tiin thlalak hmasa hi Gigi hian caption a vuah a ni.

Tun hun hi atan chuan hriat reng tlak niin a ngaihhlut zia Gigi hian a sawi nghe nghe a, a chhungte leh a ṭhiante chungah a lawm tih a tarlang tel bawk.

Thla hmasa khan naute pa tur Zayn nena an infawp lai thlalak a phochhuah pawh in lawm a hlawh hle a, “naute pa” tiin chiang takin a sawi.

A rai thu hi kum in April thla khan Jimmy Fallon’s The Tonight Show ah alo nemnghet tawh a, thlalak hmuh theih aṭang pawh in nau a neih hun tur hi a hla vak tawh lo.

Gigi Hadid hi khawvela model lar ber leh lawm hlawh ber te zinga mi a ni a, chanchinbu hrang hrang lar tak tak Cover atan pawh lo ṭang tawh in ace designers heng Chanel, Marc Jacobs, leh Jean Paul Gaultier tan ramp a lo zawh tawh a ni.