Mizo Elite News hi ṭha i tihzawng a nih chuan min lo Follow dawn nia

Gigi Hadid chu a fanu leh thiante nen hun an hmang

Supermodel, Gigi Hadid hi hmuh tur a vang riau pawh ilo ti mai thei. Gigi hian a fa hmasa ber a neih hian hun reilo te a eizawnna Modelling lam a chawlhsan a, mahse tunah erawh a fa a hleikang deuh tawh bawk a a eizawnna kawng lam zawhin a buai chho ve leh hle tawh a ni.

Nimin Inrinni khan Gigi Hadid hi New York khawpui ah a fanu Khai nen stroller a an innawr chhuak hmuh leh an nia, tun tum erawh pa ber Zayn Malik an a telpui lo thung.

Zayn ai ah a thian hnai tak tak pahnih Queer Eye star Antoni Porowski leh Alana O’Herlihy te nen hun an hmang ho a, The Smile cafe ah te an lo chawl a ni. Gigi in an khawlai hun hmanna atan hian thuamhnaw pawh a thlang thiam leh ngang mai a, nu a ni tih reng reng pawh hriat loh thak khawpin a street style a mawi.

Zayn nena an fanu Khai hi thla 10 upa a ni ve tawh a, mahsela a pian tirh a ta tun thleng in Zayn leh Gigi te hian an fanu thlalak hi Media leh fans te mit hmuh ah an la phochhuak duh lo. Thla 10 chhung tawp mai an privacy hi an la vawnghim chho ngar ngar a ni.