Mizo Elite News hi ṭha i tihzawng a nih chuan min lo Follow dawn nia

Georgina Rodriguez in Cristiano Ronaldo hnenah a kum 37 tlin lawmna pualin thilpek ropui tak a pe

Cristiano Ronaldo hian hmanni a a bialnu Georgina piancham lawmna ah khan a in senghnem viau a, khawvel building sang bera Georgina thlalak leh video clip chhuah nan India pawisa a cheng nuai 50 vel hu a seng ani.

Nimin piah Feb.5 mai khan Cristiano Ronaldo chuan a kum 37 piancham a thleng ve a. He a piancham ah hian a kawppui Georgina Rodriguez chuan thil pek atan lirthei changkang tak a pe.

Georgina in Ronaldo hnena a kum 37 tlin lawmna puala a thil pek hi car nalh tak Cadillac Escalade a ni a, seat 8 lai awm ani. A man zat hi tarlan danin £150,000 vel ani. 0-60 in 7.8 seconds a chak ani bawk.

Georgina hian Cheshire a an chenna in ah Ronaldo hi a present a, pawn lamah hruaichhuak in Cadillac Escalade mawi tak chuan alo nghak ran a ni. A hmangaih em em in car nalh tak a pek ah hian Ronaldo hi a chuang vel a, a lawmzia entir nan a kiss zeuh bawk.

Cristiano Ronaldo hian lirthei hi changkang tak tak alo nei nual tawh a, a car collection ah Georgina hnen atang a a dawn hi a hung ve leh ran dawn ani. A piancham ah hian Georgina hian birthday cake a siam sak bawk a. An pahnih hian fanu kum 4 upa Alana an nei mek a, Ronaldo hian fa dang 3 Eva & Mateo leh Cristiano Jr, 11 a nei bawk.

Tunah hian Georgina hian naute phir (twins) a pai leh mek a, kumin April ah nau hi a nei dawn ani.