Mizo Elite News hi ṭha i tihzawng a nih chuan min lo Follow dawn nia

Georgina Rodriguez i’n a kum 28 tlinna chu a kawppui Ronaldo leh a fate nen an lawm, Ronaldo nen an intawn atang in a nun thlak danglam a nih dan a sawi

Khawvel Footballer piang tawha lar ber leh hming dai tawh lo tur a chhal ngam Cristiano Ronaldo kawppui Georgina Rodriguez chuan kum 28 a tlling ta a,a piancham hi a kawppui Ronaldo leh a fate nen Dubai ah hlim takin an lawm.

Ningani khan piancham lawmna hi neih a ni a, Ronaldo te chhungkua hi Dubai ah chawlh hmangin an cham mek. Georgina piancham ah hian Ronaldo chuan Dubai khawpuia awm khawvel a building sang ber Burj Khalifa chu tih en tirin a hmangaih Georgina hmel langsar takin a tarlan tir a, Burj Khalifa hma lam ah an thlalak te chu an rawn phochhuak.

Ronaldo leh Georgina te hi an fate Alana, Eva, Mateo leh Cristiano Jr te pawh in Dubai ah hian an zui tel ve a, nu ber piancham pualin chhungkaw zanriah special tak an kil ho. Ronaldo a’n piancham lawmna hi a buatsaih tha hle a, Georgina hnen ah rose sen lian tha tak pe in Rose chungah ‘love’ tih langsar takin a inziak bawk.

Georgina hian a Netflix Show ‘I Am Georgina’ chu a buaipui a. Hetah hian a chanchin hrang hrang a tarlang nual a. Ronaldo nen an intawnchhoh dan te a sawichhuak ani. Hriat theuh angin a hma chuan Georgina hi nula pangngai ve mai, dawr a inhlawh chawp thin ani.

Ronaldo nen hian Madrid khawpuia Gucci dawr a thawhna atangin an intawng a. Georgina chuan Ronaldo nen an intawn hnu ah a hringnun chu thawkleh khata a inthlak danglam thut dam a sawi. “A hma chuan thuamhnaw man to tak tak zuar leh hralhchhuak thin ve mai kha ka ni. Mahsela tunah zet chuan khang thil to tak tak ka zawrhchhuah te kha Red Carpet zawhpui na atan ka hmang tawh” tiin a sawi.

Dawr a a thawhlai khan kal lamah Bus a hmang thin a, haw lamah chuan Bugatti in Ronaldo hian a hruai thin thu a sawi. Ronaldo chenna in a a kal hmasak ber tumin a bo thu a sawi a.

“Cristiano chenna in a ka kal hmasak ber khan tui zawnga choka ka pan chu bahlah in ka bo deuh he hu a, living room ka chhuahsan tur te kha a ngaihna ka hriat loh vangin darkar chanve hial te hun ka hmang. A chhan chu a in kha a lian em em a, ka naupan lai atang tawhin hetiang in lian ah hian ka la awm ngai lo a, apartment zim leh chep taka khawsa thin ve mai ka ni. Tunah chuan hei chen hi ka thleng ve ta” a ti bawk.

Ronaldo nen an intawng chu Georgina hian vanneih a intihzia hahip in a sawi a, tu hmeichhia pawh nise zankhat thil thu ah Georgina dinhmun ang ah hian ding ve thut ta se lawm lo reng an awm bik kher lo ang. Tunah hian Georgina hian Ronaldo nen an fa phir (twins) a pai mek ani.