Mizo Elite News hi ṭha i tihzawng a nih chuan min lo Follow dawn nia

Georgina in Ronaldo fa 5 na tur a pai leh mek?

Georgina rai thu thang lengvel mek chungchang ah hian an pahnih atang engmah sawi a la awm lo a, chhungkua in Mallorca, Spain ah chawlh hmangin an la thang mek a ni.

Khawthlang Media ten an tarlan dan chuan Portuguese football star Cristiano Ronaldo, 36 kawppui Georgina Rodriguez, 27 hian Ronaldo fa 5 na tur a pai leh a ni tiin thu an chhuah.

He chanchin rawn irhchhuahna bul tak pawh Spanish media OkDiario te an ni. OkDiario te sawidan chuan Georgina unaunu Ivana, 31 chuan rinhlelhawm tur deuh in Instagram ah thlalak a post a. Georgina hian thlalak ah hian Suit var ha in a pum zawn ah heart emoji a dah. Mahsela thlalak hi a hnuah delete leh a nih thu an sawi.

Ronaldo hian tunah fa 4 Cristiano Jr,Eva & Mateo leh Alana Martina te a nei. Phir Eva leh Mateo hi surrogate kaltlangin an piang a, Georgina nen hian fa 1 chiah an la nei thung.

Georgina Rodriguez pawh in hma hun lo awm turah fa dang neih belh leh a duh zia a lo sawichhuak zeuh tawh. Mahse tunah chuan he thu thang ah hian ngawih an la chuh tlat a, Mallorca ah chhungkua in an intihlim mek a ni.