Mizo Elite News hi ṭha i tihzawng a nih chuan min lo Follow dawn nia

George leh Amal Clooney te nupa in Beirut a chhiatna thlengah ṭanpuina sum thehchhuak

George leh Amal Clooney te hi midang te harsatna hrethiam a ṭanpuina kawngah thawhhlawk leh langsar ber pawl an ni a, charity atan sum an ui lem lo.

Tunhnai lawk ah Beirut ah chhiatna rapthlak a thleng a Ammonia Nitrate puak ah mi 137 laiin nunna chanin 5,000 ten hliam an tuar a, chenna in neilo mi eng emaw zat an awm bawk.

Hei hi Amal leh George Clooney te nupa hian an hria a, ṭanpuina atan pawisa $100,000 chu Lebanese Charities pathum ah an donate a, Lebanese Red Cross, Impact Lebanon leh Baytna Baytak ah te pawisa hi an chhung lut a ni.

Beirut a chhiatna thleng chu pawi an tih thu an sawi a, an pawisa thehchhuah $100,000 hian kawng eng emaw tala midang te a ṭanpui theih an beisei a ni.

Human rights lawyer, Amal hi Beirut a piang a ni a Lebanese Civil War laiin kum 2 mi a nih ah Lebanon chhuahsan in England ah an insawn a, Oxford University ah zirna a zawm.

A pasal George nen 2013 khan intawng in a kum leh 2014 khan an innei a tunah hian fa pahnih phir Ella leh Alexander, 3 te an nei mek.

People