Mizo Elite News hi ṭha i tihzawng a nih chuan min lo Follow dawn nia

George Clooney Chuan A Ṭhian Ṭha Zual Mi 14 Te Hnenah Maktaduai 1 Ṭheuh Sum A Pe

American lemchanthiam leh director & producer, George Clooney hi a hmangaih leh amah hmangaihtu te tana inphal tak mai a ni a, a uikawm lo hle.

Kum 59 a upa GQ’s Icon of the Year a thlan George hian kum 7 liam ta 2013 khan a ṭhianṭha zual mi 14 te hnen ah $1 Million ṭheuh pawisa alo sem vek a, hei hi kan India pawisa chuan cheng vaibelchhe 7 chuang lai a ni. A tirah thuthang leng vak mai mai a ngaih a nia. Mahse hun rei tak hnu ah George Clooney ngei hian GQ hnena Interview thar ber a neih ah chuan thudik a nih thu a sawi.

Pawisa dawngtu zinga tel ve a ṭhian Rande Gerber chuan 2017 khan MSNBC ah hemi chungchang hi a lo sawi tawh a. Amaherawhchu George hian a sawichhuak duh lawk lo a ni.

A ṭhiante nen hian ‘The Boys’ an in tia, 2013 khan an vaiin a chenna in ah a ko khawm a, suitcase a pawisa te chu a lo sem ta hlawm.

George Clooney hian hetiang thil a tih chhan a sawi chuan a ṭhian te hi atan an hlu em a, harsatna tawka a chhe ber dinhmun a tawn pawhin an inphatsan ve lo. Engmah lo mai a nih laia a in tukluhna pawh a ṭhian te hi an ni. An chenna in ah te khawsa ve lawp lawpin pawisa puk a ngaih hun ah an puk tir bawk a, puih angaih a piangin atan an awm tlat ṭhin a ti.

Hlawhtlinna a chan hnu hian amah hmangaih tu te hi a theihnghilh reng reng lo a, lawmthusawi let ve hi a tih tur ngawih ngawih a ni a ti. “An ni tello hi chuan tun dinhmun hi engtik ah mah ka thleng ngai dawn lo” tiin a sawi a, vanduaina tawkin lo boral ta pawh nise a ro te hi a ṭhian te hnuchhiah a tum tih a sawi hial.

Khatih lai khan kum 52 vela upa a nia, tuna a nupui Amal Clooney nen an intawn hma a ni bawk. A ṭhiante hi amah aiin an upa vek hlawm bawk a, pawisa a pek mai bakah hian tax te pawh a lo chawi sak vek bawk.

George an ‘The Boys’ sum a pek te chu heng te hi nia sawi a ni a, George erawh in heng hming tarlan te hi a dik vek em tih erawh Confirm a nilo. Mahse Rande Gerber erawh dawngtu langsar ber a ni.

Rande Gerber

Richard Kind

Tommy Hinkley

Grant Heslov

Michael Heslov

Ben Weiss

Thom Mathews

Waldo Sanchez

David Sagal

John Lambros

Matt Adler

Steve Lukather

Miguel Ferrer

George Timothy Clooney hi 2014 khan Amal Clooney nen an innei a, fa pahnih an nei tawh. Tuna a hausakna hi US$500 million ang vel anga chhut a ni.

Independent