Mizo Elite News hi ṭha i tihzawng a nih chuan min lo Follow dawn nia

Gaza Naute Thla 5 Lek Chu Bulding Kara A Nu Thi Tawhin A Pawm Chu Damin An Chhanchhuak

Indona hian mi pawisawi lo engzat chiah nge an nunna a laksak ang. A then te chu chhungkaw inhmangaih tak tak an ni ve a sin. He naute hian a damkhawchhuah hun a a chhungte chunga thil thleng a hriatthiam hunah engtin nge a ngaih ve ang le.

Zirtawpni khan Israeli air strikes ah mi eng emaw zatin Gaza a Al-Shati Refugee Camp ah nunna an chan. He naute hi thla 5 a upa a ni a, vanneihthlak takin a damchhuak thung.

A hming Omar a ni a, thla 5 a upa chauh a ni. Building keh karah a nu thi tawh kutah a awm nghenga mu chu nungdam a chhan a ni a,a chhungte dang a nu leh unaute chu an thi fai vek.

Tarlan dan chuan an chhungkua hian Muslim Holiday, Eid al-Fitr hmang turin an kal a, naupang te pawh hian Eid thuamhnaw inbel in toys an keng bawk. Omar hi tunah hian Al-Shifa Hospital ah nurse ten an enkawl mek a,a ke ah hliam hmun thum ah a nei.

Palestinian medical officials te tarlan dan in Thawhtanni atang khan Gaza ah mi 132 vel laiin nunna an chan tawh. Heng zingah hian naupang 32 leh hmeichhia 21 an tel a, midang 950 chuang lai in hliam an tuar bawk.Al Jazeera reporter Linah Alsaafin chuan Al-Shati camp houses ah hian mihring 103,000 chuang an awm tih a sawi.