Mizo Elite News hi ṭha i tihzawng a nih chuan min lo Follow dawn nia

Gal Gadot film thar chu Kuwait ah release khap ani

Kuwait mipui te chuan Disney film thar ‘Death On The Nile’ chu an ram ah chhuah phal lovin Release an khap a, he Film ah hian Israeli actress Gal Gadot chan vangin he film hi ‘Ban’ a nih thu an puang.

Kuwait’s Al-Qabas newspaper chuan he thutlukna hi Social Media a Kuwait mi leh sa te atang in ngenna an dawn nasat vangin chhuah lo tura thutlukna an siam tih an sawi a, ban a nih chhan ah hian ‘Wonder Woman’ changtunu Gal Gadot vang ber ani.

Miss Israel hial lo ni tawh Gadot hi a hma in an ram Israel military service ah kum 2 lai a tang tawh a, hei hi acting lama bul a tan chhoh tak tak hma ani bawk. An ram sipai te a tanna thu hi alo auchhuah pui fo a, Kuwait mipui te hian an ngaithei bik lo.

2014 Gaza War ah Gadot hian IDF te a thlawp zia puangchhuak in Hamas te a sawisel thung. Hei vang hian Kuwait ah Gal Gadot hi a tlaknat loh phah zui reng.

Gaza a buaina chhuak ah khan Palestinian lam ah 2,251 in nunna an chan a, Israeli lam atangin mi 74 in nunna an chan bawk. Nunna chan te hi a tam zawk sipai an ni. Gulf ram United Arab Emirates leh Bahrain ten Jewish state te nen remna leh muanna nei tawh mahse Kuwait erawh Palestinian an la thlawp ngar ngar.

Gadot hi 2017 a a Hollywood blockbuster ‘Wonder Woman’ a larpui em em lai pawh khan Arab ram thenkhat Lebanon leh Qatar ah te chuan a film hi chhuah khap (Ban) tlat alo ni tawh bawk.