Mizo Elite News hi ṭha i tihzawng a nih chuan min lo Follow dawn nia

Footballer Mason Greenwood a’n a bialnu kut a thlak chungchang ah Manchester United in thuchhuah siam

Footballer kum naupang tak Mason Greenwood chu a bialnu Harriet Robson in kutthlak tu ah puh in Social Media ah a hliam tuarna, thisen kai deuh nuai thlalak chu Instagram ah a post a ni.

A bialnu Harriet Robson hian heng a hliam zawng zawng hi Manchester United star in a sawisakna lama a tawrh a nih thu a sawi a, khawthlang media lian tak tak te beng thleng nghal in infiamna inpui thleng in a nghawr nghin phah hle.

Harriet Robson thlalak post ah hian pakhat chu a hmui kak a thi chhuak leh, a hmai, taksa leh malpui a ser langsar tak te chu a tarlang. Thlalak bakah audio file te pawh a dah tel. Mahse post hi a hnu ah a delete leh ani.

He thil thleng duhawm lo tak vang hian Mason Greenwood hma hun tur hi a derthawng nghal a. A career thlengin a tuar phah thei dawn. An player in hmingchhiatna a tawh rual in Manchester United ten thuchhuah an siam nghal.

Tharum thawhna lama an player puh a nih mek chu an hmu a, fiahna mumal tak a awm phawt loh chuan thutlukna an la siam theih loh thu leh an Club Manchester United chuan tu pawh nise, tharum thawhna lam zawnga chet hi an duh lo a, en liam mai an tum lo tih sawiin thudik fiah a nih hun ah hmalak a ni ngei ang tih an sawichiang.

Greater Manchester Police te pawh in thil thleng hi thlithlai mek a ni tih Mirror Football te an hrilh. Harriet Robson leh Mason Mason Greenwood te hi an sawidan in Greater Manchester a Mersey School an luh atang intawngin an inkawp a, 2020 khan an inzawmna chhuchat in an inthen tawh ani.

Kum 20 a upa Greenwood hi Red Devils tan vawi 129 lai khel in tun season ah vawi 24 alo inlan tawh. A contract hi 2024 thleng awh tur a ni nghe nghe.