Mizo Elite News hi ṭha i tihzawng a nih chuan min lo Follow dawn nia

Florida Nu Chuan Parking Lot Ah Nau A Hring

Khawchin leh nau chin hriat a nilo tih a nih kha. South Florida a mi nu pakhat chuan Parking Lot ah naute a hring.

Susan Anderson leh a pasal Joseph Anderson te chu nau nei turin zirtawpni khan Margate a Natural BirthWorks an pan a. Mahsela rinloh tak leh duhai hma in an nau neihna tur an thleng ṭep tih ah Susan Anderson hian Parking Lot ah nau a nei ta a ni.

Building chhung an luh hma hian naute lu hi a lang tawh a, an lut fel hman lo. Nau chhar tu Sandra Lovaina chuan a pui nghal vat a, hmun remlo leh harsa tak chungin Parking Lot ah chuan nau hi alo hring.

Ring Video lam in he thil thleng hi an phochhuak. Susan nau nei tur rum thawm hi Police 2 te pawh in an hria a. A tirah phei chuan thil thleng chuan a tihrilhhai hle a, Lovaina in “engkim a ṭha vek. Nau chhar tu ka nia” tia a hrilh pawn Police te hian ringhlel ti tihin chhanhim an duh tak tak leh tak tak loh te Officer pakhat phei chuan a zawt nghe nghe.

Susan te nupa hi Coral Springs a mi an ni a,Natural BirthWorks ah hian a hma pawh in fanu an lo nei tawh. Tuna a fanu Julia pian dan erawh a danglam hle a, an nupa tan pawh hriat reng tawh tur a ni ang.

Hetia parking lot a fa a neih hnu hian chhunglamah luhpui an ni nghal a, Susan leh a naute dinhmun hi a ṭhat thu an sawi bawk.

https://youtu.be/5RDns47MK-I

NyPost