Mizo Elite News hi ṭha i tihzawng a nih chuan min lo Follow dawn nia

Florida Chhungkaw Pakhat Ten Christmas Light An Buatsaih Hmat Lutuk Vangin Pawisa Chawi Tura Hriattir An Ni

Christmas a lo herchhuak dawn ta a, mitam takin mahni inkawt kai leh chhehvel te chei tanin hun kan hmang mek hlawm. United State a Westchase, Florida chhungkaw pakhat te chuan kut lo thleng tur lawmna neia Christmas Light nen an inbuatsaih vangin pawisa chawi tura hriattirna an dawng.

Moffa chhungkua te hian Local Community Association te hnen atang Christmas decoration an buatsaih hma mah mah tiin sawisel an tawk. In neitupa Michael Hoffa chuan book lawk sa tawh a nih vangin November 6 khan an chenna in pawn lam chei hna hi professional decorators ten an neih thu a sawi.

Christmas Lights te an peih fel hnu ah darkar 48 vel a liam tih ah November 8 ah chuan Community association atang lehkha hi an hmu a. Lehkha ah chuan decoration lights an siam hian dan a bawhchhia ang a hrilh in hma taka Christmas cheina an buatsaih vang in $1,000 (Rs 75,000) chawi tura tih an ni.

Community association’s lawyer chuan in Moffa chhungkua te Christmas lights hi an thenawm te tan hnawksak leh ninawm a nih vangin lehkha pek a nih thu a sawi thung. Lehkha ah Thanksgiving zawh hma in Christmas decorations chu buaipui phal loh tih a inziak. Nu ber Chelsea Moffa chuan Facebook kaltlangin an chhungkaw thil tawn hi a puang a, an chenna in pawn a lights an dah chu huaikawm bawlna lam thil leh thenawm te tana hnawksak a nih loh zia a tarlang ve bawk.

Social Media hmangtu mi eng emaw zatin Michael Hoffa te chhungkaw chunga community association te chetdan ah an lunghnur pui a, an zingah zaithiam Mariah Carey pawh a tawngchhuak ve hial nghe nghe a ni.