Mizo Elite News hi ṭha i tihzawng a nih chuan min lo Follow dawn nia

Flipkart Kaltlang In Phone Man To Tak A Chah Ve A Mahse A Thil Chah A Thlen Meuh Chuan A Lungawi Lo Hle

Online Shopping ti sual fe fe hi mitam tak sawi tur an awm nual tawh. Tunlai chhan ah chuan mahni in lum ngei atang a Online a thil han chah hi tha leh awlsam tak a nih bakah kan in tihhmuh sup sup tawh a ni ber. A che fuh lo deuh te erawh in an sim phah zui vawng vawng na a ni lawi si.

Flipkart te hi India ram ah pawh Online Shopping ah chuan mi tam tak luhchhuahna leh thil an chah nasat ber na a ni pha a. Mahse an Customer pakhat in Phone man to a chah erawh ah an mualpho phah khawp mai.

He pa Simranpal Singh chuan a thil tawn hriatthiam harsa tak hi a rawn tlangau pui a. e-commerce website ah hian Big Billion Days Sale laiin Apple kutchhuat iPhone 12 chu Rs 53,000 in a Order ve riap.

A thil chah chu alo thlen hun pawh a nghakhlel ang reng hle. Reilo ah chuan a iPhone thar tur chu an deliver ta a, phur tak maia a tuamna Box a han hawn chuan a thil hmuh erawh a lo beisei ang a ni ta reng reng lo.

iPhone nalh leh changkang tak phawrh tura a lo in rin ve laiin Box chhungah chuan sahbawm Rs5 man Nirma soap package pahnih alo awm a ni. GoAndroid kaltlangin a thil chah ang nilo pek a nih thu hi Video nen a tarlang.

He video tihchhuah a nih hnu hian mitam takin an ngaihven hle a Flipkart te ngei pawh an mualpho phah hle. Simranpal Singh hian customer care ah Complaint hi a thlen a, vanneihthlak takin Flipkart hian a tihsual ah hian an inpawm. Hei bakah Flipkart chuan order an cancel a, customer hnen ah hian a pawisa chu a bank account ah pek kir leh a ni.

Hetiang thil hi mi eng emaw zat chungah a thleng tawh a thenkhat phei chu an thil chahna site kha a lem (fake) te alo nih tawh thin vangin hmalak ngaihna reng a awm lo a, duhlo tak chunga an thil chahsual chu an pawm mai a ngaih phah fo.