Mizo Elite News hi ṭha i tihzawng a nih chuan min lo Follow dawn nia

Flight Attendant Hna A Chawlh Hnuah Gas Cylinders Zuarin Ei A Zawng

Hrileng avangin Industry lian tak tak te che chhuak hleithei lovin an chawl thuap a, boruak a zin thin mi thlawhna lam thleng pawhin a bawhbuai. Pilot bakah Cabin crew member leh staff member thahnem tak te chuan in hna an thawk thei lo a ni.

Harian Metro in a tarlan ah Philippines a mi flight attendant hmeichhia Maurice Maureen Avila chuan Covid19 vanga a hna chelh lai chawlh a ngaih tak vangin eizawnna kawng dang a dap a Liquid Petroleum Gas (LPG) cylinders zuarin a inhlawh thin.

Maurice Maureen Avila hian kum 3 lai a hna alo thawh tawh Flight Attendant hi Covid19 pandemic vangin October thla khan a lo chawlhsan. Amah ngei pawh in a lo tui em em thin a hnathawh a chhunzawm theih tak loh vangin a tuarna hle tih a sawichhuak.

A chaw chakna te bovin zan eng emaw chen chu bianga mittui luang chunga hun a hman thu a sawi a, Pathian in engvanga hetiang thil hi thlen tir nge a nih tih zawtin Pathian a dem hial thu te a sawi a ni.

“Tunah chuan ngai awh in ka tha tawh e. Hetiang dinhmun a ding ve midang te pawh beidawng lo turin ka chah duh bawk che u” a ti. A chanvo atana ruat chu a pawn hmiah a, a nun inthlak danglam angin a insiamrem thiam ta zawk hlauh.

“Thla eng emaw chen hnathawh theih loh lai khan thil hriatchhuah ka nei a. Ruahmanna chu mihring lam chan a ni a, a tihlawhtlin tir tu chu Pathian chauh a ni”