Mizo Elite News hi ṭha i tihzawng a nih chuan min lo Follow dawn nia

Fitness Model Chu A Thuamhnaw Inbel Chhuah Vangin Thlawhna A Chuan Ve Phalsak A Nilo

Turkish bodybuilder leh fitness model hmeichhe pakhat chu a thuamhnaw inbelchhuah a dahlau leh tuihnai lo tiin thlawhna ah chuan ve phalsak a nilo tih hriat a ni.

He hmeichhia Deniz Saypinar, 26 hi United State ah a cheng thin a, Texas atang Miami thlawk turin American Airlines ah ticket a la bawk. Flight hun a thlen chuan nalh inti leh chhelo in ti fahran in Airport lam a pan a, amaherawh chu nalh alo intih ruk em em silhfen a inbel chu midang tan buaina a nih phah ta zawk.

Thlawhna a chuang tur hian denim kekawr bul chhing tak leh tank top ringawt a inbelchhuak a, hei hi airline staff te chuan an helh hle, midang te en hrehawm khawp a ni tiin thlawhna a chuan ve an remtih loh phah ta reng.

American Airlines dan ah thuamhnaw pangngai chauh inbel tur a nia, thuamhnaw tuihnai lo leh midang tana hmuh hrehawm khawp chu an phallo bur, hei bakah ke lawnga chuan tum te chu an remti lo tawp.

Staff ten an remtih miau loh vang in Saypinar hi Dallas/Fort Worth International Airport ah a tan phah. Instagram kaltlangin a thil tawn chungchang chu lungawi lo zetin a rawn puangchhuak a, “Texas Airport a ka chunga thil thleng kha in ring thei biklo ang” tiin mittui hnam deuh par chungin a sawi a ni.

Deniz chuan silhfen engmah inbel lo leh saruak a awm pawh nilo a thlawhna chuan an phalloh ngawt vang hian a lungawi lo tak zet. Amah hi Turkey hmeichhia zinga IFBB (International Federation of Bodybuilding and Fitness) status hmu leh dawng awmchhun a ni nghe nghe.