Mizo Elite News hi ṭha i tihzawng a nih chuan min lo Follow dawn nia

Festival A Chhiatna Thlengah Mi 125 Atang Travis Scott Te Khinna Lut Tawh

Travis Scott Astroworld festival a chhiatna thleng vangin Concert chhimtu tam tak in an lungawilohna an lantir a, mi 125 chuang zetin Travis Scott leh midang lakah khinna an thehlut tawh tih hriat a ni.

TMZ in a tarlan danin lawsuit hi Texas’ Harris County District Court ah file a ni a, thubuai thlen tu te hi Concert a tel leh nunna chan chhungte atang a lut a ni. Travis Scott bakah Drake, Live Nation leh Apple Music te hian $750 million chawi thei dinhmun ah an ding.

Travis Scott leh Concert Organizers te hian ruahman na fel fai tawk lovin Concert an kalpui tiin an puh a, khing tu zingah Concert a boral kum 21 mi Axel Acosta chhungte pawh an tel ve nghe nghe.

Lawsuit ah hian an taksa pawn lam leh rilru lama hliam an neih te bakah nunna chan te nen $750 Million hi chawi ngei turin an phut. Houston attorney Tony Buzbee chuan in Travis Scott te hian sum leh pai engzata tam pawhin mihring nunna hi an rul zo thei ngai dawn lo va, nunna an pe let thei tawh dawn lo tih a sawi.

Concert a nunna chan zawng zawng hi an vaiin mi 10 an tling tawh. Mipa naupang kum 9 upa Ezra Blount chu enkawl a nih hnu ah a boral ve leh. Ezra hi Astroworld festival a thi zingah a naupang ber bawk.

Law enforcement lam in chhiatna thleng chungchang ah hian chhui hna an la thawk chhunzawm mek reng a, Concert a tel te erawh chuan chep taka inhawr khawm a innekna vangin heng thil te hi thleng ta niin an sawi. Stage a hun hmang Travis Scott hian mipui te a harsatna thleng kha a tirah a hre lawklo.