Mizo Elite News hi ṭha i tihzawng a nih chuan min lo Follow dawn nia

‘Fast & Furious’ Film a Paul Walker car khalh Toyota Supra lilam

‘Fast & Furious’ movie a an hman Car mawi leh dangdai tak mai fam ta Paul Walker an a lo khalh 1994 Toyota Supra chu lilam a ni a, a man pawh a to hle.

He Car Toyota Supra hi 2001 a The Fast and the Furious hmasa ber chhuak ah khan Paul Walker hian a khalh a, Paul Walker khalh a nih vang hrim hrim leh a sulhnu zinga mi a nihna chin ah a man hi a tlawm thei lo hrim hrim.

June 17 – June 19 khan Barrett-Jackson Las Vegas auction ah lilam tura dahchhuah a nia, $550,000 zeta hralhchhuah niin hei hi India pawisa chuan cheng vaibelchhe 4 bawr a ni hem mai.

2001 mai bakah a chhunzawmna a dawt leh a siam 2003’s 2 Fast 2 Furious ah pawh khan he Car hi hman alo ni bawk. Supra car zing ah he Car hi hralhchhuah to ber dinhmun a hauh. A siamtu hi El Segundo, California a The Shark Shop a mi Eddie Paul a ni bawk.

Kum 2013 November 30 khan Paul Walker hi Car chesual ah nunna a chan a, a thihna ah hian a pa leh a fanu ten Porche te lakah Case an file nghe nghe. A boral khan Furious 7 shooting pawh an la zawhfel hma a ni.