Mizo Elite News hi ṭha i tihzawng a nih chuan min lo Follow dawn nia

Fashion Designer Lar Tak In A Piancham Lawmin A Kum Zat Zet Chuan Mak Tih A Hlawh

Sum neih chuan tunlai khawvel ah zawng tar lam a pan theih tak tak tawh loh an tih hi a lo dik ngei dawn a nih hi. He hmeichhia, a landan atanga teh a nula ti tuai tak ang a lang hian mite a barakhaih zawk mai.

Milar leh thiltithei tak tak te nen pawh lo thawk ho fo tawh Vera Wang hi Fashion Designer lar tak a ni a, a thuamhnaw design ha pha chin hi chu mi satliah mai mai an ni ngai lo bawk. A bikin mo kawr ah kher phei chuan a kutchhuak hian ngaihhlut a hlawh hle a ni.

June 27 khan Vera Wang hian a piancham chu a thian tha te nen lawmna neiin Party a huaihawt a, an hun hmanna thlalak a canary yellow, low-back gown a inthuamna ngei mai chu a Social Media ah nalh ti takin a phochhuak.

Amah lo hrechiang lo tu thenkhat ten an han thlek deuh thuak chuan hmeichhe pangngai kum 30 bawr vel upa tur angin ngaihdan an lo siam ve mai a. Amaherawh chu a kum zat an hriat chian meuh chuan mak an ti chiang kher mai.

Kum 30 vel bawr chu khawilam ah kum 72 zet a upa alo ni tawh. Comment hrang hrang ah a kum zat chu awihthei lo fe fe an thahnem nasa hle a ni.

Harper’s Bazaar in an kawm na ah chuan Vera Wang chuan a hriselna chu a ngaihpawimawh hmasa berah a dah thin thu a sawi a, a thluak tihchak nan chaw ei a hmaih ngai loh bakah chaw nghei mai mai a duh lo tih a sawi bawk. A design nalh tak tak ha chhuak tu zingah Ariana Grande, Ivanka Trump, Alicia Keys leh Mariah Carey te pawh an tel ve nuk a ni. Kum te zawng number satliah ve mai a ni tih chu amah hian a rawn phochhuak a tih loh theih loh.