Mizo Elite News hi ṭha i tihzawng a nih chuan min lo Follow dawn nia

Fapa Tana Pa Inhlanna Hi A Va Ropui Em, A Fapa Birthmark Ang Chiah A Taksa Ah A Chhut Tir

Duh dan ang ngawt in khawvel ah hian a pian theih siloh a, a then fu ke kim lo a an pianchhuah laiin thenkhat an taksa ah chhinchhiahna danglam tak tak nei an awm bawk a ni.

Canada ram Alberta a awm mipa naupang pakhat chuan a awm bawr hnute veilam ah kutchuk (birthmark) langsar ang reng takin a nei a, he a kutchuk avang hian a awm nuam thei lovin a thiante leh midang hma ah a lo inthlahrung hle thin.

A pa Derek Prue Sr in a fapa chunga thil thleng hi a hriatthiampui hle. Derek hian a fapa tan hian tattoo artist a rawih phah ta hial a. A fapa ser/kutchuk neihna bawr ah tak chuan tattoo hmangin birthmark hi a siamchawp tir.

Tattoo hi Juicy Quill Tattoo ah Tony Gilbert chu a chhut tir a, “hei hian a nitin nun ah amah ah nghawng a neih phah dawn a, inrintawkna a siam sak bawk ang” tiin a artist hian a sawi a, tattoo chhut nan hian darkar 30 zet hun an hmang bawk.

Derek chuan a fapa hian Swimming Pool ah te a kutchuk langsar tak vangin a thuamhnaw pawh phelh tha ngam lo khawp in a awm a. Mahsela tunah chuan he chhinchhiahna hi amah chauh nei awmchhun a nih tawh loh thu leh a mal bik reng reng lo tih a hmuh tir a ni.