Mizo Elite News hi ṭha i tihzawng a nih chuan min lo Follow dawn nia

Fapa In A Pa Zilhhauna A Chhan Let Dan Zet Hi Hriatthiam A Har Mang E

A Pa a nihna angin a fapa nun chhe mai tur chu a ngai ngam bik lo a, kawng dik a zawh theih nan tia thu ṭha hrilh in mahsela a fapa chuan a pa thusawi chu huatna nen a dawngsawng tlat a, pafa inkarah chuan inhmuhthiamlohna nasa tak a chhuah phah.

November 18 khan Simpang Pertang, Jelebu ah fapa in a pa ngei nunna a laksak a, chem hmangin dimna tel hauh lo in a vit hlum a ni.

A hringtupa ngei thattu hi kum 35 a upa a ni. Hnathawh tur pawh hre chang lek lo khawpa Phone khawih in a hun tam tak a hman ral ṭhin vang chuan a pa hian a lo zilh. A pa lak aṭang zilhhauhna a dawng chu a thinrim ta em em zawk a, an pahnih hian an inhnialbuai phah hial, a hnu ah hriamhrei hmangin a pa hi a nunna a laksak ta mai nia tarlan a ni.

Astro Awani, Jelebu District Police Chief, Deputy Superintendent Maslan Udin chuan nunna chan ta hi kum 59 a upa a ni a, a taksa hma leh hnung lam ah te a fapa hian vitin a hmunah a boral nghal tih a sawi.

Thil thlen lai hian chhungkaw nu ber hi in ah a awm loh lai a ni a, an awmna hnaih deuh lawka an chhungte in a kal hlan in a ni. A pasal leh fapa te hi an pahnih chauh in in ah hian an awm.

A fapa in a vih hma hian plastic chair in alo hlap ve bawk tih an hrechhuak. A pa a thah hnu hian tualthattu hi a tlanchhia a mahse an ṭhenawm a miten Police hnenah an report. Report a nih aṭanga minute 20 hnu ah an man.

An ṭhawmawm a mi pakhat chuan tun hi an pafa vawikhat intihbuaina mai a nih tawh loh thu a sawi a, a hma pawn an pafa hian an lo inhau fo tawh ṭhin a ti. Intibuai in inhmuhthiamloh chang nei ṭhin mahse an pafa inkarah thihna hian erawh a thlen a rin bik loh thu a sawichhuak. Case hi ziak lutin investigation kalpui nghal a ni.

WOB