Mizo Elite News hi ṭha i tihzawng a nih chuan min lo Follow dawn nia

Fanu ai ah fapa a hrin theih nan a lu ah perek chhut luh sak ani

Rawngbawlna thenkhat ah hian mahni chhia leh tha hriatna hmanga ngaihtuah reng reng pawh a thil awihawm loh lutuk hi awm ve thei a ni a, chutiang chiah chu a thleng ta reng bawk.

Pakistan rama mi nu pakhat raipuar lai mek chu tihdamna lama rawngbawlna nei sang fal tak nia inchhal hnen ah puihna dilin a pan a, tihdam rawngbawlna nei tu hian a naupai mek lo piang tur hi hmeichhia ai ah mipa a hrin theih nan a lu (chal) ah tak perek alo chhut luh sak.

He hmeichhia hi a lu a perek bur vu chungin Peshawar a Lady Reading Hospital ah nawrluh a ni a, perek hi 2inch laia sei ani nghe nghe. A tirah chuan tihdam rawngbawlna nei tupa thurawn angin perek hi amah in a chalah a chhulut tih hospital staff te hnen ah dawtin a hrilh a mahse thil awmzia dik tak chu sawi leh in a inpuang fai ta vek.

Geo News reports danin naupai mek hmeichhia hi fa 3 nei tawh ani. Fanu vek a neih vangin an nupa inkar pawh a thalo hle. A pasal chuan an fa 4 na ah hmeichhia a nei leh a nih chuan then ah a vau si a, fanu a neih leh a hlauh lutuk na lamah tihdam rawngbawlna nei tupa hi a pan ta chawt ani.

A chala perek bur hi pliers hmangin phawi a tum a, mahsela a phawi theilo. Mangang thlabar in damdawiin lam a pan. X-ray ah chuan perek hi a chal ah tak chhut luh a ni a, vanneihthlak takin a thluak a khawih phalo chiah chiah ani.

Peshawar police ten atthlak taka rawngbawlna neitupa hi man turin thuchhuah an siam a, inhnamhnawih dangte lakah action na taka lak a nih tur thu tarlan ani bawk. South Asia ah hmeichhia leh mipa inkar hi a zau hle a, nu leh pa te pawhin chhuan leh zel thleng ngaihtuah in fa atan fapa neih ngei an duh thin.