Mizo Elite News hi ṭha i tihzawng a nih chuan min lo Follow dawn nia

Fans Hmeichhe Naupang Chu Khelmual Ah Tlanlutin A Ngaihsan Ronaldo An Thilpek Alo Pe

Milar te zingah hian an fans ngaihtuah tak tak an awm a, an hlimna leh lawmna an siam sak fo thin. Ronaldo pawh hi fans te tana inhawng tak chu a ni ve a lawm.

Ningani zana Aviva Stadium, Dublin a Portugal leh Republic of Ireland ten World Cup Qualifying khel a an in draw tum khan inkhelh zawh ah Ronaldo ngaisangtu zinga mi fans hmeichhe naupang pakhat chu khelmual ah tlanlut in mittui nen a ngaihsan em em Ronaldo lam a pan.

He hmeichhe naupang hian Ireland shirt a ha a, whistle hnuhnung ber a rik rual chuan chak taka tlanin Ronaldo lam hi a pan phei a ni. Security ten hnung ah an zui bawk a, mahse Ronaldo hian a lo dawngsawng thiam hle.

A lam pana mittui hnam chunga lo tlan fans hmeichhe naupang tan chuan inhawng takin alo kuah vawng vawng a, a hriatreng tawh tur thil tihsak in Manchester United star hian a Jersey hak lai chu a phelh a fans hnen ah hian thilpek atan a hlan zui bawk.

Hmeichhe naupang pawh lawm leh hlim luat avang in awm ngaihna a hrelo a ni ber mai. Mual chhunga fans ten an pan hi Ronaldo hian a tawn vawikhatna a ni lo, hemi Irish capital ah vek hian fans mipa pakhat pawh mual ah Ronaldo hnaih tumin a tlanlut bawk a, steward ten mual atang an chhuahpui tih hriat a ni.