Mizo Elite News hi ṭha i tihzawng a nih chuan min lo Follow dawn nia

Fa Pahnih Nei Tawh Sanitation Worker Chu Rajasthan Administrative Service Exam Ah Hlawhtlinna A Chang

Eng hna pawh rim leh taima taka thawh a beidawng lova beih tang tang chuan a tawp ah rah duhawm tak a chhuah a, taihmak hi hlawhtlinna kailawn pawimawh tak pakhat a ni

Fa 2 nei tawh nu pakhat kum 40 hmang mek Asha Kandara hian Rajasthan Administrative Service (RAS) examination, 2018 khan hlawhtlinna ropui tak a chang a, Result hi muangchang deuh mahse July 13, 2021 khan tihchian in a awm.

Kandara hi a pasal nen an inthen tawh a, fa 2 nei lai a ni. A pasal nen an inthen hnu ah a thiamna leh theihna te chu a up bo mai lova zirna kawng zawh chhunzawm in 2017 khan a graduat.

A pasal nena an fa 2 te chu a enkawl turin a ko ah a tla a, a pasal in a ngaihtuah zui loh hnuin a pa kiang ah an khawsa. Mahni thawhchhuah ngei hmanga a fate enkawl chu a chak ber leh a suangtuahna lian tak a ni.

Hlawhtling tura a zinkawng hi a awlsam hauh lo. Sanitation Worker atang bul tanin hmunphiat tu a ni a, a duty thulh chuang si lovin RAS exam hmachhawn turin a inbuatsaih a ni. Rim tak leh taima taka a beih hnu chuan hlawhtlinna a chang ta.

He hmun thleng tur hian harsatna hrang hrang chi inthliarna, broken marriage leh gender bias te a tawk a, mahsela chung a thil hmachhawn khirh tak tak te chu intihhnual nan hmang lovin beilet ngam tura chakna pe tu ah a hmang zawk tih a sawi.