Mizo Elite News hi ṭha i tihzawng a nih chuan min lo Follow dawn nia

Fa Neih Lama Harsatna Tawk Nupa Tuak Khat Te Chu Christmas Hma Chiahin An Duhthusam Tih Puitlinin A Awm Ve Ta

Wickham, Western Australia a nupa tuak khat te thil tawn bik em em hi an khawngaihthlak zawk khawp mai. Kum 13 chhung zet fa neih tuma tan an khawh hnu ah pawh vanduaina in a tlakbuak zel vangin lungngai takin hun an lo hmang tawh ani.

Kum 13 chhung hian Carissa Morris, 33 leh Dave, 32 te nupa hian naute 8 lai chhiat in a then thi sa in an piang ani. Amaherawh chu fa an neih kawng ah harsatna lian tak in tlakbuak mahse engtikni ah emaw chuan fa duhawm leh hrisel tak an neih ngei an la beisei tlat.

Beiseina an neih chuan hlawhtlinna hmel a hmu ta reng bawk a. Christmas hma lawk in December 17 2021 khan fapa duhawm tak Oliver tia a hming atan an sak chu an nei ve ta. Dave te nupa tan chuan hei lo liam a christmas thilpek duhawm hi thil dang reng reng a awm lo.

Carissa Morris chuan fa neih kawnga vanduaina an tawh chungchang hi a sawichhuak a, nu tan a a nat zia pawh a hrechiang tawk tawh hle. A pasal leh amah ah harsatna eng nge awm tih thlithlai in an in endik fo thin. ICSI IVF a neih hnu ah kumin April thla khan nau hi a pai leh ta ani.

An fapa Oliver hi St John of God Murdoch hospital ah a piang a, Carissa chuan a kut ngeia a fapa a pawm chu thil mak tak a ni e tiin a sawi hial nghe nghe a, vawitam fa an chhiat hnua fapa duhawm tak an nei ta chu a thinlung takin a lawm ani.