Mizo Elite News hi ṭha i tihzawng a nih chuan min lo Follow dawn nia

Fa A Neih Hnuah A Hlam (Placenta) Chu Paih Lovin Amahin A Ei Leh Vek

Cambridgeshire a mi nu pakhat fa pawh pahnih nei tawh hian Online lama a chungchang a sawichhuah hnu ah ngaihven a hlawh zui phah hle a ni.

Kum 27 a upa Ketrina Hill hian fa a neih in a hlam (placenta) chu a thehthang mai lova, dahtha in amah ngeiin a ei leh vek zel tih a sawi.

Hetia a hlam a ei hi a tan a tha niin a sawi. A hriselna ah nasa takin hma a sawn mai bakah fa neih hnu in inhliam neih ah te thachhuak leh thuai tura damdawi tha tak a ti a, a ring nghet hle bawk ,hmarcha leh bawng sa dangte nen sawngbawl hmasa in a ei dawn ah cream leh cheese te telhin a lo ei ta thin a ni.

January 17, 2016 khan Ketrina hian an fa hmasa ber ah Finnley an nei a, nikum April khan Luna tia an sak fanu chu an nei leh. A fate pahnih a neih hian a hlam te chu a dahtha tlat. Ketrina chuan tuman sawngbawl hnu ah helai hi hlam tih leh khawnge bawng sa zawk tih pawh a hriathran theih tak tak tawh lo a ti.

Mitam tak tana thil tawp leh tuihnai fahran lo tak kha Ketrina erawh in a chhawr tangkai bik hle thung. Hlam that zia chu midang te hriat ah zah chu sawi loh uar takin a lo fakmawi nasa viau a ni.