Mizo Elite News hi ṭha i tihzawng a nih chuan min lo Follow dawn nia

Fa A Neih Hnuah A Fa Chu Vawikhat Pawh A Pawm Hma In Covid19 Vangin Thih San

Nu pakhat Fozia Hanif, 29 hian a fapa Ayaan chu a neih hnu in vawikhat te mah a kut in pawm pawh a pawm ve hman lo a, Covid19 chuan damchhunga inhmu leh tawh lo turin a ṭhen zui ta nghal.

Fa a hrin hnu hian Fozia Hanif hi intensive care ah hruai luh nghal a ni a, ni 6 hnu ah chuan Birmingham Heartlands Hospital ah a boral a ni.

Fozia chunga thleng hian a chhungte rilru pawh na takin a hliam a. “Vawikhat te pawh a fapa kha a pawm hman lo” an ti. A pasal Wajid Ali chuan a nupui hian an fapa hi a thlalak chauh a hmuh hman thu ITV News te a hrilh.

“Nurse in naute thlalak a print a hmuh khan a hlim hle a, ‘kan fa hi han en teh, in ah kan haw leh thuai ang’ tia ka sawi chu a hnena ka sawi hnuhnung ber a ni” a ti.

Wajid Ali hian nikum khan an nupa in fanu an chan tawh thu a sawi. Fozia hi Magistrates’ Court ah probation service in a thawk. An fapa erawh hi chuan vanneihthlak takin Covid19 hi a negative a ni.

The Sun