Mizo Elite News hi ṭha i tihzawng a nih chuan min lo Follow dawn nia

Fa 15 A Tam Nei Tawhin Tunah 16 Na Tur An Beisei Leh Mek

Ṭhenkhat in a tam ber ah fa 2 emaw 3 vel an duh ṭhin a, anni nupa erawh hi zawngin an duh tam rem rem khawp mai.

Patty Hernandez, 38 leh a pasal Carlos, 37 te chuan fa 15 zet an nei tawh a, tunah hian an chhungkaw belhchhah leh turin an fa 16 na tur an beisei leh mek bawk.

An chhungkua hian Charlotte, North Carolina ah an khawsa mek a an chenna in ah hian mut pindan bedroom ringawt pawh 5 a awm.

Chawlhkar khat ah nepnawi leina atan diaper velah te $500 an hmang ṭhin. An fa 15 zinga mi 5 chu mipa an ni a, a bak 10 te chu hmeichhia vek niin phir hi set 3 lai an awm bawk.

An pa Carlos hming bul ṭantirh angin an vaiin an hming tirah C in a inṭan vek a, Carlos Jr, 12, Christopher, 11, Carla, 9, Caitlyn, nine, eight, Celeste, seven, Cristina, six, Calvin, five, Catherine, five, Carol, four, Caleb, three, Caroline, three, Camilla, two, Charlie, one leh thla 4 a upa Crystal te an ni nuk. A 16 na tur hi kum thar 2021 May thla ah a pian beisei a ni.

Carlos hi floor cleaner hnathawk in a chhungkua heti zat zet hi a chawm a, nu ber Patty Hernandez pawhin hahthlak ṭhin viau mahse naupang te chuan a nun an tihhlim ṭhin zia a sawichhuak.

Naupai theihlohna hmanrua engmah an hmang lo. Pathian in fa duhawm tak tak a pek avang hian an lawm hle. Naute dang nei leh tur pawh in Patty Hernandez hian ala hnial hran loh thu ala sawi cheu.

2008 aṭang khan fa hi a nei ṭan a, “ka rai a ni tih ka hriat in ka hlim hle. Naute ka han nei a, ka neih aṭang thla 3 hnu lawkah ka rai leh nghal a ni” a ti.

In lamah inchhungkhur leh a fate enkawl in a phe buai nasa ṭhin. Midang ten an chhungkaw zat an hriat in mak an tih ṭhin hle thu a sawi bawk. An chhungkaw hun hman ṭhin dan pawh alo sawi tawh a Christian sakhaw vuantu ṭha tak an ni nghe nghe.

Mahni rila rah fate ngei enkawl duhlo a hnawmhnawk leh kawngsira kalsan mai mai ṭhin te ai chuan Carlos te nupa hi an fakawm in an chhuanawm khawp mai.

DM