Mizo Elite News hi ṭha i tihzawng a nih chuan min lo Follow dawn nia

Fa 11 Lai Nei Tawh In Fa Dang A La Duh Belh, 100 Ai A Tam Neih Belh A Tum

Chhungkaw khawsak zai rel dan a in an loh vangin thenkhat in fa tlem te chauh an duh a, a then te erawh in a theih anga tam fa neih teuh an duh thung.

Russia nu pakhat Christina Ozturk hi chuan naute a ngaina hle tih a hriat theih a, tunah hian fa 11 nei tawh in fa dang neih leh ala duh tih a sawi zet chuan mak tih pawh a hlawh lam zawk a ni.

Amaherawhchu Christina Ozturk hian fa tam tak pawh nei dawn se a chawmna ah an buai lem dawn lo. A chhan pawh a pasal Galip Ozturk hi Georgia ah Hotel neitu a ni a, a sumdawnna a hlawhtling bawk a Millionaire an ni tlat.

A fate zinga 10 hi a hrin nilovin Surrogate kal tlangin an piang a, a fanu Vika erawh amah ngeiin a hrin a ni. Vika hi kum 6 liam ta khan a piang.

Kum 23 leka upa millionaire nupui hian Social Media ah fa 105 teh meuh a duh thu a sawi a, midang pawh a thawng hle, mahse a hnu ah a fiamthu ang in a sawi leh.

Mahsela a pasal nen hian fa an neih duh tawk hun tur hi engmah an la sawi lo hrim hrim a, 11 bakah hian neih belh an la tum a ti a ni. “A zat chiah chiah tur kan la sawichiang thei lo a, hun in a hril chho mai a ni ang chu” tiin a sawi.

Christina Ozturk leh Galip Ozturk hian Surogate kaltlang a fa 10 an neihna ah hian sum pawh an seng hnem a, pakhat neih nan pawh sum a hek hle. 8,000 Euros (Rs 7,03,871) zet an seng zel a ni.