Mizo Elite News hi ṭha i tihzawng a nih chuan min lo Follow dawn nia

F9 Screening na ah Paris Jackson inlan in Event ah midangte mit fukna ber ah tang

A pa atang reng in milar sa a ni a,a hmel lo chhe zawk zawk lo leh a vun rawng nalh tawk tak te hian mite duhrawn a hlawh zual thin hle.

Michael Jackson fanu neihchhun kum 23 a upa Model, Paris Jackson chu Inrinni liam ta khan Universal City, California a F9 screening ah a tel ve a, a thuamhnaw inbelchhuah mawlh mai hian thlir a hlawh in event chhimtu te mit fukna berah alo tang.

He event hi Charlize Theron Africa Outreach Project host hnuaia neih a nia, Paris Jackson hian green and white floral Vivienne Westwood gown mawi zet leh Bardot sleeve te a ha chhuak.

Paris Jackson hi hmanni khan Red Table Talk show ah Willow Smith nen thu dunin a nu Debbie Rowe te nen a an inkar chungchang te a sawi leh a. 1999 a a nu leh pa te an inthen khan a nu Debbie hian a pa Michael hnen ah amah leh a unaupa Prince te enkawl phalna a pe.

2009 khan a pa in a boral san a, a pi Katherine Jackson in enkawl seilian in a pa thih lai in Paris Jackson hi kum 12 mi chauh a ni nghe nghe a, thil thleng kha ala naupan vangin a hriatthiam chiah loh thu Willow hi a hrilh.

Tin, Paris chuan an chhungkua chu sakhaw mi tak an ni a, homosexuality ang chu thiang lo tawp thil a ti a, an pawm chu sawi loh a chungchang sawi ngai loh a ni a ti bawk. Mahse a nundan erawh hei hi chu a fiah tawk lem lo.