Mizo Elite News hi ṭha i tihzawng a nih chuan min lo Follow dawn nia

Exam Na Atana Midang Lehkhabu Hawh Chawp Thin Peon Fanu Ve Mai Chuan Exam Ah Mite Rin Phak Bakin A Invawrh

Retheihna hi kan tum ram thlen theih nan a tawrh chhelna leh chona min pe tu tha tak a ni thin. Thiamna hi hausak leh retheih ah a inghat lo.

Maharashtra SSC results tihchhuah ah hmeichhia kum 16 a upa Apeksha Kale chuan midang te beisei ai a sang daih in a in vawrh a, Exam ah hian Kale hian 98.2 per cent zet a lo score a ni.

Amah hi chhungkaw harsa tak atanga chawrchhuak a ni a, a pa hi construction company ah peon hnathawk a eizawng ve mai a ni bawk.

Apeksha Kale hian exam hmachhawn tura a inbuatsaih hian practice papers leh lehkhabu leina tur pawh a nei zo lo a, a thiante leh a cousin te ta hawh chawp in, chuta tang chuan a in zir chawp a ni.

IAS officer nih tum in a zirna ah hian a theihtawp tak meuh meuh a chhuah. Fergusson Junior College ah science stream a zawm theih a beisei thu a sawi bawk. Kale chuan lehkhabu a hawh mai bakah hian YouTube chuan a zirna kawngah nasa taka a puih thu a sawi tel nghe nghe.

A pa Tanaji Baburao Kale phei chuan an chhungkua tumah in hetianga sang a score theih hi an rinphak ngai loh thu a sawi hial reng a,an hna lamah an buai em vang in an fanu zirna ah duh angin an buaipui tha lo tih pawh a pha lo. Mahse a fanu Apeksha Kale hian a zirna ah hian a zawng zawng a pe thin tih sawiin a chhuang ve viau a ni.

Keini chhungte thlazar hnuaia nuam sa tak a kan la zir theih lai hian mi fate hi chuan harsatna leh hrehawm na karah pawh an lo bei tang tang thin zawk.