Mizo Elite News hi ṭha i tihzawng a nih chuan min lo Follow dawn nia

Exam Na Ah Fing Taka Che Te Chu An Mahni Ai A Fing Zawk Ten An Manchhuak Chiang Hle

Zirlai zingah thenkhat chu harsa leh khirh tak karah pawh entawnna kawng dap hmu hram hram thei khawp a entawn lama mi Pro deuh deuh hi an awm ve leh chawk thin. India ram hi a bikin heng kawngah hian Student pawh an tha.

He thil thleng hian Sanjay Dutt film Munnabhai MBBS te pawh mi a hriatchhuah tir thei tlat. Zirtawpni kalta mai a Hinjewadi, Blue Ridge Public School a police constable recruitment examination neih ah Candidate zinga mi chuan Face Mask danglam tak a hmang tih hriatchhuah a ni.

Candidate te endikna an neih na ah he Facemask hi Blue Ridge Public School a duty Naik Shashikant Devkant chuan a manchhuak ta chat mai. Mask satliah ang a ni lo a, electronic device inphum in thiam takin a chhung lamah JBS battery, charging point, Airtel SIM card, switch leh mic te chu a awm a Wire hmangin a inthunzawm vek a ni.

Mask neitu hi a tlanchhia a, Hinjewadi police station ah Candidate lakah hian Case ziah luh niin Maharashtra Prevention of Malpractices at University, Board and Other Specified Examinations Act, 1982 hmanga thubuai siam sak a ni.

Electronic Device Mask hman ah hian mi 2 te chu Police te hian an man tawh tih puan a ni a, police custody ah ni 3 chhung hren tura tih an ni bawk.

Hetiang deuh chiah hian thla 2 liam ta mai pawh khan Bikaner a Rajasthan Eligibility Examination for Teachers (REET) neih ah mi 5 te chuan Bluetooth device a thuam slipper special tak an bun vangin manchhuah an lo ni tawh a, device hi Rs 6 lakh man hu vel a chhut a ni.