Mizo Elite News hi ṭha i tihzawng a nih chuan min lo Follow dawn nia

Esther Hnamte in Youtube ah Record thar a rawn siam

Leitlangpui hmeichhe naupang zaithiam zet kum 5 lek a upa Esther Hnamte chuan a video thar hmangin Youtube ah record a rawn siam.

Esther-i hian Independence Day pualin India hnam hla National Anthem ‘Jana Gana Mana’ chu a tichhuak a, he video hi darkar 24 leh minute tlemte chhungin maktaduai 1 thlirtu a nei tling thei.

Maktaduai 1 tling tur hian ni 2 ai a reilo hun a hmang a ni. Heti hian Esther-i hi mizo zingah youtube video a 1Milllion view nei rang thei ber a ni zui nghal a ni.

A hma in Rebecca Lallawmsangi video “Kan khua” chuan Million View hmu rang ber dinhmun a rawn hauh a. “Kan khua” video hian chawlhkar khat chhung in maktaduai 1 en tu a nei. Rebecca video hi Esther-i hian Million view neih ran ah a rawn khum chiah.

Esther Hnamte hian India hnam hla bakah hian a hma in “Maa Tujhe Salaam Vande Mataram” a lo larpui hle tawh a, he video pawh hi tunah 9.9 Million view a hlawh mek. India ram dung leh vang alo hrutchhuak hneh rem rem hle.