Mizo Elite News hi ṭha i tihzawng a nih chuan min lo Follow dawn nia

England Leh Italy Te Inkhel Ah Thil Dik Tawklo A Awm Tiin Fans Ten Rematch Nei Turin Ngenna An Siam

Wembley Stadium a Euro 2020 final khelh zawk tak ah khan Italy ram chu England lakah Penalty Shoot Out hmangin hnehna an chang a, mahsela inkhel ah khan thil fair lo tak tak a thleng tiin Fans thenkhat in Final Rematch leh turin Petition an siam.

Rematch nei leh tura ngiat tu te hi England Fans te an ni. England te an chak loh khan an player zinga pathum Saka, Rashford leh Sancho ten Penalty an hlah avangin diriamna namen lo an tuar phah a, racism an tawk nasa hle.

England fans thenkhat in Rematch tura an tangfung ber chu Italy captain Giorgio Chiellini chetdan kha a ni. Chiellini hian khelmual ah England lam a mi Bukayo Saka chu a kawr hnung ah a kut in a pawt a, Saka hi mual ah a tluk phah hial. Hei hi tanchhan ah an hmang.

Saka a pawtthlu chungin Giorgio Chiellini hi referee khan red card pe turin beisei a ni a, mahsela yellow card a pe thung, hei hi fans te chuan an hrethiam theilo a, Italy khelh dan chu bawlhhlawh takah puhin referee in thutlukna a siam chu an sawisel phah bawk.

Mi pakhat chuan “England leh Italy te inkhelh ah Bukayo Saka chungah mawilo tak a thleng. Giorgio Cheiellini an a kawr hnung atang a pawtthlu hnawk a, mahse yellow card a hmu daih. A chetdan atang kha chuan Red card hmu tur a ni a lawm, chiang takin referee hian tan lam a nei tih a hriat a, Italy lam a duhsak zia a lang” tiin a sawi.

Hetih lai hian England Players te demrawn an nih chungchang ah England FA lam in an Player te thlavang nasa takin an hauh a, a naute tan in Harry Kane pawh a tawngchhuah phah. Southgate chuan Penalty pet tura a player thlanchhuah ah hian amah in mawh a phurh tur thu a sawi ve bawk.