Mizo Elite News hi ṭha i tihzawng a nih chuan min lo Follow dawn nia

Engineering Hnathawh Tur Neilo Chuan Cycle Nen Khawlaiah Thingpui A Zuar

Kum 2020 zet chu hripui vangin mitin mai nunphung leh khawsak a tibuai hneh hle a, eizawnna kawnga hnathawhna thlengin harsatna namen lo a siam phah a ni.

Kavie tia koh hi a zirna ah chuan a sang hle a mitam tak ngaihah pawh hetiang thil zuar tur a rin a nilo. Mahsela hun tawnin a zir miau si loh chuan a zawrh ve ngei a tul. Kavie hian a eizawn dan ah hian sawiselna leh zahna reng a neih phah chuang lo. Hei hi a chanchin lo hre tu tam tak ten an fak em em chhan chu a ni.

Amah hi UNITEN atang Mechanical Engineering ah degree a nei a, mahsela hripui leng Covid19 vangin engineering hna hi a zawm thei ta lo. Engineering hna nei thei lo mahse a hnual phah chuang lo a Brickfields a khawlai ah chuan Cycle hmanga inkhalhchhuak in thingpui Masala tea a lo zuar ta thin.

Hetia khawlai a thirsakawr khalh chunga thil zawrh hi India ram atanga a hriat ve tho a ni nghe nghe. Nitin tlai lam 3-5pm ah chuan a inzuarchhuak thin a,nikhat ah no 200 te alo hralhchhuak a ni.

Facebook group pakhat UnderMYPayung kaltlangin mi pakhat Jack Tan chuan a chanchin hi a tarlang. He group hi tun hripui len laia eizawnna lian lutuk lo siam te dawmkanna tur a tih a ni. Jack Tan hian dar 3-5pm inkar ah kher ngati nge a inzawrh tih a zawh chuan hetiang hun ah hian miten thingpui an in duh hun a nih thin thu in a lo chhang.

Zirsan satliah ve ringawt a, hna hniam leh sang a buai tlat ching thin ai chuan zirsang tho a hna eng pawh thawh hreh nei lo te hi an fakawm in an entawn tlak hle a ni.

WOB