Mizo Elite News hi ṭha i tihzawng a nih chuan min lo Follow dawn nia

Eng Dinhmun Ah Pawh Ding Se I Nu Leh Pa Zahpui Ngai Suh

Nu leh pa te hi kan lei Pathian te an ni a, zah leh chawimawia an lawmna siam sak tu nih hi fate mawhphurhna a ni.

Amaherawh chu kan tun hun ah hi chuan tam tak in nu leh pa zahna chang chu sawiloh hringtu te ngei nunna hial laksak duhtu pawh an awm nuk tawh. A thenin retheih leh harsa an nih vangin nu leh pa te an zahpui tlat. Hei hi hre reng rawh. Tuna i nu leh pa anga hmangaihtu che kha khawvel pawh hrutchhuak vek mah la i hmu bik lo ang.

Hei hi Thailand rama thleng anga tarlan a ni a, Internet lamah an lar chakin sawizui pawh an lo hlawh nasa khawp mai.

Nula pakhat kum upa lam tawh nena an thlalak a nia, a phen a thawnthu awm an sawi ah chuan he nula leh a kianga mipa fai fahran lo tak mai hi pafa niin an sawi.

Angela tiin hmeichhia hi koh ania. Angela hi a nu in a naupan laiin a kalsan a ni. A pa chu a neihchhun a ni a, mahsela a pa hian a nu in a kalsan hi tuarin nasa takin zu a in phah. Hei hian amah ah nghawng tha lo tak neiin a fanu pawh hi a enkawl hleithei ta lo.

Hetiang a nih tak vang hian Angela hi nu leh pa neilo awmna hmun ah enkawl niin hun a inher zel hnu ah a thanglian chho va, a hringtu pa nen hian an in zawngchhuak leh ta a ni.

Nakin a inchhira hun i hman loh nan i theih leh phak tawkin i nu leh pa kha chawimawi la, an lawmna siam sak tum tlat thin rawh. Chu chuan nangmah i inti zahawmin midangte ngaihsan i hlawh phah bawk ang.