American rapper leh songwriter Eminem fanu Stevie chuan a pa Eminem chu Social Media kaltlang in a chhuahchhal a, a pa hian hunrei tak chhung a lakah thuruk lian tak a zep vangin a lungawi lo tih a sawi.
Kum 19 upa Stevie hian kar liam ta khan non-binary a nih thu khawvel hma ah a puangzar a, an koh dan turah pawh he/she/they tia sawi thin a nih tawh tur thu a sawi nghal bawk.
Eminem lak a a lungawi loh em em chhan chu Eminem hian a fanu dik tak a nilo tih hi a lakah a zep char char a, a hringtupa boral thleng a alo zep tlat vang a ni.
Stevie hi Eminem nupui hlui Kim Scott leh tattoo artist Eric Hartter te fanu a ni a, 2005 khan fa atan Eminem hian a la. A hnu ah Scott leh Eminem te hi an innei a, Kim pasal hmasa Hartter hi 2020 khan a thi. Stevie chuan Eminem hi a pa dik tak a nilo tih midang ka atang a hrechhuak.
Kum 2017 khan bisexual a nih thu a puangzar tawh bawk. Khang hun leh chen Eminem a’n fanu anga alo enkawl na ah khan Stevie hi a lawm teh chiam lo a nih hmel ta viau.