Mizo Elite News hi ṭha i tihzawng a nih chuan min lo Follow dawn nia

Elon Musk An Britney Spears Chunga Thleng A Dem

Hriat theuh ang in Pop Star, Britney Spears chu a laka inkhuahkhirhna dan zam a nih avangin zalen tum in a bei mek a, zalen tura a beihna kawng ah hian milar tam tak pawh in Britney hi an thlawp.

Britney chunga thil thleng diklo ti a, a zalenna tura au chhuak zingah Tesla CEO, Elon Musk meuh pawh a ngawi mai mai thei lo. Britney tan Twitter ah a rawn inlan a, a nun pangngai nei let leh turin a duh.

SpaceX CEO hian Thawhtanni khan a Twitter ah ‘Free Britney.’ tiin a rawn tarlang a, darkar pawh a liam hma in 70,000 likes a nei thei nghal. Britney thlawp tu milar zingah Elon Musk hi vantlang hmaa inlar thar ber a ni.

A hma in Mariah Carey, Miley Cyrus, Bette Midler, Rose McGowan leh a bialpa hlui Justin Timberlake te chuan Britney support na hi an lo tilang tawh. Kum 2008 khan Britney hi rilru buai anga sawiin a in leh lo bakah a rosum thlengin a pa Jamie Spears kutah dah a ni. He dan hnuaiah hian a fapa te enkawl thei lo in an siam bawk.

Kum 13 teh meuh he inkhuahkhirhna hi kalpui a ni tawh a, tun thlengin Britney hian zalenna famkim ala hmu thei lo.