Mizo Elite News hi ṭha i tihzawng a nih chuan min lo Follow dawn nia

Ei Tur A Neih Loh Vangin Jail Tan Duhin Mi Dawr Ah Thil A Ru

Hetiang ang tawng mek hi tun dinhmun ah mi engzat tak awm ang maw. A thil tih hi a duh vang reng a ti a ni bik lo a, a damkhawchhuahna tur a ngaihtuah vang zawk chauh a ti mai a ni.

Thai pa pakhat chuan convenience store ah lut ru in Coke leh bukfai bag te a ru a, ruk a ru lai hi manchhuah niin vantlang hmuh ah zahthlak tak a tih mualpho a ni zui.

Khawlai ah mipui ten kutthlak in an zilh hau luai luai a, China Press in a sawidan in hepa hian a thil ruk chhan phen ah hian chanchin khawngaihthlak tak a lo nei ru reng a ni tih an hrechhuak.

A hnathawh lai a chan a vang in engmah leina tur pawisa a nei tawh lo a, ei tur a neih zawh loh vangin ruk a ru ta a ni. Jail a tan chu a thil duh ber zawk a nih thu a sawi a,a chhan pawh Jail ah chuan riltam lova ei tur a hmuh awlsam theih a beisei.

Amah man tu mi 7 ten a chanchin a sawi an ngaihthlak hnu chuan an mittui a tla hial a, ruk a ruk tirh a an huat rawn em em kha an khawngaih letling ta zawk. He thil thlen hnu a chanchin leh zel hi tarlan a ni tawh lo a, mahsela he pa khawngaihthlak tak hi Jail rûn thim ah thawn lovin atana tha tur ngaihtuahsak a nih ngei rin a ni.