Mizo Elite News hi ṭha i tihzawng a nih chuan min lo Follow dawn nia

Dybala Chuan Covid19 Vangin Thawk Lam Ah Harsatna A Tawh Thu Sawiin Tunah Chuan A Ṭha Tawh Hle Tih A Fans Te A Hrilh

Juventus Player zing a Covid19 vei 3 na Paulo Dybala chuan kar liam ta khan Instagram kaltlangin a bialnu Oriana Sabatini nen Covid19 an Positive thu a puang a nih kha.

Dybala leh a bialnu Sabatini hi tunah chuan Turin a an chenna ah an inkhunghrang mek nia sawi a ni a, ni 10 lai inkhung tawh in Dybala chuan an dinhmun pawh in ṭhat lam panin an ziaawm viau tawh thu a Fans te hnen ah a sawi.

Kum 26 a upa Dybala hian a Instagram ah Nilaini khan “OK” sign siam in “estamos bien” tiin “kan ṭha chho zel e” a rawn ti a ni.

Juventus ’ official YouTube channel ah a symptoms chungchang hi a sawi a, a ziaawm tawh tiin tunah chuan che thei in kal leh train te pawh a tum theih thu a sawi a, “thawk lamah erawh harsatna ka tawk a minute 5 hnu ah chuan ka ti hleithei tawh lo ṭhin. Ka tihrawl a na bawk a. Vanneihthlak takin Oriana nen ngaihtuahawm tak erawh kan ni lo” a ti.

Dybala hi sawi tawh angin Juventus player a Covid19 positive 3 na a ni a, a teammate Daniele Rugani leh Blaise Matuidi te pawh Covid19 hi an positive a ni.

Mirror