Mizo Elite News hi ṭha i tihzawng a nih chuan min lo Follow dawn nia

Dwayne ‘The Rock’ Johnson Chuan Christmas Pualin A Nu Tan Thil Ropui Tak A Tihsak Leh Ta

Dwayne ‘The Rock’ Johnson hi midang te thilpek uar em em leh a hmangaih te tan a thil phal em em thin a ni. A chhungkua mai bakah a fans vannei tak tak te tan thil tam tak alo tihsak tawh.

Kumin Christmas pualin Dwayne ‘The Rock’ Johnson hian a nu Ata Johnson tan thil ropui tak tihsak in, Christmas present atan Car thar mawi zet brand new white Cadillac chu Dec.25 khan alo present ani.

A nu Ata Johnson a surprise lai hi Dwayne Johnson chuan a Instagram ah a post a, a nupui Lauren Hashian leh a fanu te pahnih Tiana leh Jasmine te an tel bawk. Ata Johnson hian a fapa hnen atang a thil pek ropui tak a dawng chu a lawm in, a chhungah te an chuang chhin vel a, a fap hnen ah lawmthu sawi nan a kuah vawng vawng.

A nu tan a hetiang thil a tihsak thei hi a lawmzia hahip in Instagram ah Dwayne Johnson chuan a sawi a, hei aia tam hi dawn a phu zia a nu hi a hrilh. Tet te atanga lo enkawl seilian tu a nu a hmangaihna hi a hmuhnawm hle ani.

Tun hi The Rock hian a nu Ata Johnson hi a vawikhat thilpek liantham hlanna alo ni tawh lo. Kum 2018 khan chenna in alo pe tawh a. “Golden Ticket,” pe in, chung zingah chuan a chenna in duh ber thlang turin alo ti ani. Tin, kumin November thla mai khan a fans pakhat Navy Veteran hnen ah amah ngeiin a chei Ford F-150 Raptor chu a lo pe hmiah tawh bawk ani.