Mizo Elite News hi ṭha i tihzawng a nih chuan min lo Follow dawn nia

Dwayne ‘The Rock’ Johnson An Mêl Lung A Phun

Pa sek leh ro thap ang reng tak ni mahse mite thinlung ah a tlak nat zia a rawn langchhuak. Dwayne ‘The Rock’ Johnson chuan Social Media Platform ah mêl lung pawimawh tak a phun.

Dwayne ‘The Rock’ Johnson hian Instagram ah zuitu maktaduai 200 a nei kai ta a, Deadline meuh in The Rock chu America a mipa damlai zinga Instagram followers 200 million nei thei hmasa ber leh awm chhun ‘#1 Most followed man in America’ tiin official takin a puang.

The Rock hi talent nei ṭha tak niin WWE Superstar aṭang a mitam tak te hmelhriat a nih bakah Hollywood a Actor lar ber te zinga mi a ni tel bawk.

Followers maktaduai 200 a neihtlin lawm nan hian Video meuh phochhuak in a fans te hnen ah lawmthu sawina a nei.

Tun dinhmun ah Portugal & Juventus star, Cristiano Ronaldo chu khawvel a Followers ngah ber niin maktaduai 238 a nei mek. Zaithiam Ariana Grande chu hmeichhe damlai zinga Followers nei hnem ber ni ve bawkin maktaduai 203 tunah Followers a nei ve bawk.

Instagram hi Social Media ah chuan lian ber a sawi a ni a, ho ru hle angin a lang na a milar te tan lar leh lar loh tehna hmanraw pawimawh tak a ni thung.

News18