Mizo Elite News hi ṭha i tihzawng a nih chuan min lo Follow dawn nia

Dwayne Johnson te chhungkua hripui in a run

Hripui hian milar leh hausa te meuh pawh a kal kan bik lo a,a hmuh fuh a piang te chu a luhchilh hmiah hmiah zel mai zawng a nih hi.

Dwayne “The Rock” Johnson chuan a Social Media kaltlangin an chhungkua in hun harsa an tawh dan a rawn sawi a. Amah leh a nupui Lauren bakah an fanu pahnih Jasmine, 4, leh Tiana, 2 te chenin hripui Coronavirus in a luhchilh a, an positive thu a sawi.

Nilaini khan minute 11 ai a rei zet Video post in a Instagram ah hri an vei thu hi a puang a, tunah erawh an dinhmun zia in an ṭhat chhoh zel tak thu a sawi tel bawk.

The Rock te chhungkua hian hri hi an chhungkaw ṭhian hnai tak te aṭang a kai an ni a, anni pawh in engtia hri hi vei nge an ni tih an hrechiang bik lo.

An zavai maia Positive test a ni tih a hriat tirh phei chuan awih harsa a tih zia leh natna dang nen a in an loh zia a sawi a, number 1 ah chuan a chhungkaw venhim a pawimawh hmasa ber a ti. A duhthusam ah chuan a nupui fanau ten hri hi vei lo in amah chauh in vei se tiin duhthu a sam a, amaherawh chu an chhungkua zawng zawng a hrut kim vek si a, duh dan ang ngawtin thil a thleng thei silo.

He Hollywood Star hian a fans te hnen ah chuan invengfimkhur turin a chak mawlh mawlh a, mask vuah a pawimawh zia a hrilh bawk.

The Rock hi Hollywood star zinga Covid19 kai thar ber a ni ta a. A hma in Idris Elba, Pink, Lena Dunham, Antonio Banderas, Kevin Hart, Kevin Durant, Tom Hanks leh Boris Johnson te pawh in Coronavirus hi an lo kai tawh.

2020 hian The Rock hian film projects liantham a nei lem lo. Kum thar a mi turin major films 3 chu hmachhawp a nei thung a ni.

CNet