Mizo Elite News hi ṭha i tihzawng a nih chuan min lo Follow dawn nia

Dwayne Johnson Chuan A Fans Zinga A Ngaihsan Em Em Hnenah Thil Pek Lian Tham Tak A Pe

Milar zingah hian an fans te surprise thut thut ching hi an awm thin a. Fans vanneih zual te phei chuan thil pek man to tak leh lian tham deuh deuh te an dawng leh nawlh zel.

Hollywood lemchan thiam lar tak Dwayne Johnson chuan a thilphal zia hmuh tir leh in a fans te zinga a mi ngaihsan leh a chanchin a hriat hnua a rilru hneh deuhtu mi pakhat Navy vet Oscar Rodriguez hnen ah chuan a custom truck pe in, a lo surprise thut a ni.

The Rock hian a film thar ber ‘Red Notice’ chu special theater screening neih ah a fans zinga mi Oscar Rodriguez tan hian thilpek hi a lo ruahman lawk diam. Hetiang thil pek lian tham Oscar Rodroguez hnena truck a pek chhan chu a thil tih leh a inpekna avanga a chunga lawmthu a sawina a ni tih The Rock hian a sawi.

Audience kal khawm te a an information a hmuh ang te a khawn khawm hnu ah Oscar chanchin hian a rilru alo hneh ber a. Oscar hi an kohhran ah fawng pawimawh tak vuan tu a ni a, inchhungkhura hleilenna (domestic violence) tuartu hmeichhia te theihtawpa lo tuamhlawm tu a ni bawk a hei bakah a nu kum 75 a upa chu duat takin alo enkawl thin a ni. He Navy vet inngaitlawm tak leh midang tana a thawkhlawk em em hian a hneh hle tih The Rock in a sawi.

Johnson chuan a tirah tak chuan Oscar Rodriguez hnen ah hian ‘Red Notice’ movie a a khalh chhuah Porsche Taycan ngei pek a tum a, mahsela Porsche hi a awm remchan loh vangin a custom truck zawk a pe a ni.

Card a pek hnu ah truck chu a ta a nih tawh thu an hriat meuh chuan Oscar hi lawm lutuk vangin a lungchhia a, a biangah mittui a luang hial. The Rock chuan Oscar hnen ah a chanchin a hriat ruala a hneh zia thu a hrilh chuan Oscar pawhin The Rock an thil a tihsak chu vawi leh khata rin leh awih mai harsa a tih hial thu a sawi a, hman atang tawh The Rock ngaisang em em reng tu zing a mi a nih bakah a entawn thin a nih thu te alo hrilh ve nghe nghe a ni.