Mizo Elite News hi ṭha i tihzawng a nih chuan min lo Follow dawn nia

DSP Leh A Ṭhenawm Pa Towel Phelh Phunga An Insual Zet Chu A Lar Zui Hle

Ṭhenawm te do ai chuan khaw sarih do pawh a thlanawm zawk an ti a. Amaherawh chu țhenawm chimawm leh luhlul fal deuh neih chuan țha te te in a indawr theih loh chang a awm țhin.

Christmas ni tak December 25 mai a Indore, Madhya Pradesh a thil thleng hi internet ah video clip a lar chak hle. Video ah hian Lokayukta DSP chu a țhenawm pa nen Towel phelh phung khawp in an insual a, DSP hi a towel ven lai tla a underwear chauh ha chung pawhin a thenawm pa hi ala sual let ve ngar ngar.

Ṭhenawm pahnih te inkara inrem lohna leh inhalna a chhuah a, zahthlak khawp a khawlaiah an insual chhan hi hriat an chak. Tarlan danin a țhenawm pa te construction work chuan bawlhhlawh siamin DSP te chenna in leh a vel bakah an car te chu a tihbalh sak thin niin an sawi.

DSP Vedant Sharma hian a sawidanin a thenawm pa Sandeep Vij hnen ah an insaka bawlhhlawh an siam vaivut te chu an tan hnawksak a nih thu leh, hna chu a rang lama thawk zo a, a nih loh pawn hnawksak lo zawnga tihdan hram ngaihtuah turin a hrilh a, mahse a thusawi te chuan awmzia reng nei lovin a ngaih pawimawh sak lo tih Free Press Journal hnen ah a hrilh.

An tualthu a chhiat chhan bul ber pawh Vij hi an in ah kalin alo vau niin a sawi a, a vau zui kher chuan Police Officer alo nih na laiah a tuar thei bik lo. Vij erawh chuan harsatna an thlen vangin Sharma hnen ah hian ngaihdam dil turin a kal a, mahsela țha taka lo chhan let aiin a thinrim a kut a thlak ta mai niin a insawithiam ve thung.