Mizo Elite News hi ṭha i tihzawng a nih chuan min lo Follow dawn nia

Drake an a fapa duat chhuang takin a rawn pholang

He Canadian star hi Music khawvel ah thawm a nei na hle chungin a mimal nun chungchang ah thil zep ruk a thei khawp mai.

Kum 33 a upa Drake hian a rukin fapa a lo nei reng a, hun rei tak chhung fa a neih thu hi a puangzar lo. Kum tam a vei hnu ah fapa a nei tih hi hriatchhuah a ni chauh.

Drake chuan a fapa kum 2 mi Adonis thlalak a post a, Adonis hian School a zawm ṭan ve tak thu a Instagram ah Nilaini khan a rawn sawi.

A fapa thlalak duhawm leh hmuhnawm tak mai SUV hma a a lak chu ‘First Day Of School…The World Is Yours kid,’ tiin Grammy Winner hial lo ni tawh hian Caption a pe.

Adonis thlalak a post hi darkar 1 chhung vel lekin maktaduai 2 chuang thlir tu a nei thei nghal. Adonis hi a pa ngaihtuah chuan a hmel a felfai in a vun rawng a lo ngo veng bawk nen thlirtu a ngah hle pawh hi a awm lo hranpa lem lo.

Adonis hringtunu hi Sophie Brussaux a ni. Drake hian an chhungkua a an hun hmanna ṭhenkhat te pawh a post hmuh tur a awm ve ta zeuh zeuh. A fapa tan hian khawvela pa ṭha ber nih a tum hle.

2018 khan Pusha T in Diss Track a tihchhuah aṭang Drake an a ruka fapa a neih thu hi hriat thawi a ni a, a album tihchhuah Scorpion (2018) ah pawh hemi chungchang hi a zep ru bawk. A hnu ah amah ngeiin a Instagram kaltlangin a fapa hi khawvel hma ah a phochhuak a ni.

DM