Mizo Elite News hi ṭha i tihzawng a nih chuan min lo Follow dawn nia

Drake an a fapa duat Adonis hruaiin Basketball Game en turin an pafa in an chhuak

Drake hian Music ah chauh nilo thil dangah pawh tuina tam tak a nei a, sport ah chuan basketball hi a ngaina fal hle a ni. Game lian tham deuh phei chu Drake hian a hmaih phal ngailo tih theih tluk a ni.

Ningani zan khan Drake hian Los Angeles, California a Staples Center ah Lakers basketball game thlir turin a fapa kum 3 mi Adonis Graham nen an inzuichhuak.

He Canadian star hian Game en a an chhuahna ah hian brown and white knit oversized sweater leh chino pants te a inbelchhuak a, pheikhawk ah a landan atang mai pawh a man tlawm zek zawk lo tih hriat tak sneakers var a bun a ni.

Hemi zan hian Lakers vs. Suns te an intum a, a fapa neihchhuan Adonis pawh Lakers lam a awn tih hriat takin Lakers jersey a inbel. Adonis hi a pa Drake nen kut inkaia an inzui hnak hnak te chu hmuhnawm tham a tling.

Drake hian a fapa hi Media leh fans te hma ah a phochhuak tam tial tial a, hmanni lawk a Billboard in Artist of the Decade chawimawina a hlan tum pawh khan Stage ah Adonis hian a pa alo dinpui ve tawh a nih kha.

Milar fa tih takah Adonis pawh kum 3 lek chungin nun nuam tak a nei thei nghal ringawt a. A thuamhnaw inbel atang pawh in a hriat chho tan. A pa sum neih lah in punchhoh lam a la pan zel mai si, a len hun ah pawh sum leh pai hman turah chuan buaina a nei vak dawn lo a ni tih a chiang reng mai.