Mizo Elite News hi ṭha i tihzawng a nih chuan min lo Follow dawn nia

Donald Trump Unaupa Robert Trump A Thi

US President, Donald Trump unaupa, a nau Robert Trump chu kum 71 a upa niin New York Presbyterian Weill Cornell Medical Center ah Inrinni zan khan a boral.

Robert Trump boral thu hi Statement chhuah in White House hian a thih chhan hi chiang tak in a sawi lo. Tarlan dan chuan Robert hi a na hle niin an sawi a, a thluak lam felhlelhna, thisen tling/put tih te sawi a ni a, Phone pawh hmang thei lo in a ṭawng theih loh thu an sawi bawk.

A unaupa Donald Trump hian Hospital a a tlawh hnu lawk ah Robert hi a boral zui a. “Rilru a hrehawm duh khawp mai. Zan in ah Robert chuan min kalsan ta. Ka unaupa mai nilo ka ṭhianṭha ber a ni. Kan la inhmu leh ngei ang. Kan thinlung ah hian i cheng reng anga kan theihnghilh ngai lo ang che I love you. Rest in peace.” tiin Inrinni zan vek khan President hian statement a rawn chhuah a ni. A fapa Eric Trump pawh in a patea thlahna hi Twitter ah post a siam ve bawk.

June thla pawh khan ni 10 vel lai Robert hi New York a Mount Sinai Hospital ah a awm tawh tih an sawi.

Business executive leh Real estate developer a ni a, Wall Street ah corporate finance in a thawk ṭhin. A hnu ah family business ah Trump Organization a zawm a ni.

Robert hian fa a neilo a, a nupui hmasa Blaine Trump fapa Christopher Hollister Trump-Retchin chu a enkawl seilian. Unaunu Maryanne Trump Barry leh Elizabeth Trump Grau te neiin an unaupa Fred Trump Jr chu 1981 khan a lo boral tawh.

DM