Mizo Elite News hi ṭha i tihzawng a nih chuan min lo Follow dawn nia

Donald Trump Leh A Nupui Melania Te An Inṭhen Dawn Em Ni?

Democratic Candidate, Joe Biden laka a dinhmun a humhim theih loh hnu ah Donald Trump chuan a aia thil ṭha lo leh vanduaithlak zawk a hmachhawn a ngai dawn a ang hle.

Former Trump administration aides in Trump leh a nupui Melania inkar chungchang ah thu dengkhawng tak a sawichhuak a. A thusawi ah chuan First Lady, Melania hian Trump hi kalsan in ṭhen a tum tih a sawi. Hemi chungchang hi The Daily Mail UK in Sunday khan a rawn publish.

Former Trump aide, Omarosa Newman hian ‘inṭhenna turin Trump an Office a chhuah hun hi Melania hian minute tin a count nghauh nghauh’ a tia, White House a chhuahsan rual rual in an nupa inkar chhut chaha ṭheh fel hmak a tum tih a ni deuh tawp mai.

Hei mai bakah hian Stephanie Wolkoff pawn White House ah Trump leh Melania te hi room khat ah pawh awm lovin room hran ve ve an nei alo ti ve bawk. Heti khawpa Trump te nupa inkar chhia anga sawi hi a mak zawk. An nupa inkar hi hriat loh lamah alo khi thuk tawh hle a nih hmel riau.

Tin, Melania hian an fapa Barron Trump chu Trump-a fa dangte ro chan tur ang a phut sak ve bawk. 2016 a Trump an hnehna a chan khan Melania hi a ṭap hial a, a chhan chu a pasal khan hnehna a chan theih a ring ngailo tih a ṭhian pakhat chuan a sawi a,Omarosa Manigault Newman hian Trump nupa te inneihna chu “transactional marriage” a ti a ni.

President ah a tla chiah chu a chanchin mawilo leh hriat nuam lo tak tak Media ah an lipse nasa mai sia. An nupa inkar an sawi te hi a lo dik a nih ngat chuan nupa an ni rei tawh dawn lo tihna a nia. Trump tan chuan vanduaina a thuahhnih ang.

Donald Trump leh Melania Trump te hi 2005 khan an innei, fapa Barron Trump an nei a, Barron hi an inneih hnu kum lek lawk 2006 ah a piang. Kum 15 zet an lo inkawl tawh a ni.

MailOnline