Mizo Elite News hi ṭha i tihzawng a nih chuan min lo Follow dawn nia

Donald Trump Chuan Prince Harry Te Chhungkua US In Venhimna Pek A Tum Lo A Ti Ta Hmak Mai

Prince Harry leh Meghan Markle te hi January khan Royal Duties aṭang an inhnukdawk a, chhungkaw nun pangngai din turin Canada lam an pan.

Mahsela Covid19 vangin Canada an insawn hnu ah buaina an tawk zui nghal der a, Royal chhungkaw zingah Prince Charles hial in Covid19 a Positive avangin an nun a ralmuang lo.

Kar kal ta khan Canada ram chhuahsan in US ah an thlawk lut a, Los Angeles, California ah inbengbel an tum ta a ni.

Prince Harry te chhungkua Canada aṭanga Los Angeles an lut erawh hi US lam chuan a lawm lutuk lo a ang. US President, Donald Trump chuan Pathianni khan a Twitter ah Prince Harry te chhungkua hi US in venhimna a pek loh tur thu leh mahni a indap chawp an ngaih tur thu a sawi tawl mai. United Kingdom leh Queen nena an inzawmna erawh a ṭha a ti.

Donald Trump an tawngkam a neih hnu hian Prince Harry te nupa hian Statement an siam ve nghal. U.S. government hnen ah venhimna dil turin ruahmanna an neih loh thu leh an mamawh loh thu an sawi ve ngat.

Trump hian Prince Harry nupui Meghan hi a lawm fahran lo hrim hrim niin a hriat, tun chauh nilo 2016 election campaign ah pawh khan a chiang. Harry te nupa hian Los Angeles an thlan deuh chhan pawh hetah hian Meghan nu Doria a chen ve vang a ni tih thawm a ri.

Economictimes